Siôn Marshall-Waters

Lladron Eto – Brasluniau o’r Mynyddoedd Duon yn brosiect ymchwil a datblygiad sydd ar y gweill gan y gwneuthurwr ffilmiau Siôn Marshall-Waters mewn cyd-weithrediad â’r artist Stefhan Caddick a Peak.

Gan ddefnyddio dulliau o weithio sy’n gysylltiedig â chreu ffilmiau ethnograffig, ffotograffiaeth dogfennol a thirwedd sain, mae’r prosiect yn archwilio dulliau o adleisio profiadau byw mewn bro a safbwyntiau ynghylch y fro. Mae’r prosiect yn mynd i’r afael â gwahanol nodweddion yng nghyswllt cymuned, hunaniaeth a pherthyn sy’n rhan o fyw bywyd amaethyddol a gwledig yn yr oes sydd ohoni.

Mae Siôn yn gweithio’n agos gyda chymunedau ym Mhatrisio, Forest Coal Pit, Waun Fach a’r Fenni er mwyn creu cyfres o ddarluniau bach yn deillio o’r nodweddion swréal a barddonol pob dydd, sy’n rhan o fyw yn y Mynyddoedd Duon.

 

This slideshow requires JavaScript.

 

 

Bydd y cyfnod hwn o ymchwilio yn cyrraedd ei benllanw gyda dangosiadau o’r ffilm yn y Mynyddoedd Duon ac yn Nghaerdydd.

 

Dydd Sadwrn 27 Ebrill – Neuadd Bentref Llangenny, Llangenny, NP8 1HA
Dydd Sadwrn 4 Mai – Sull, Canolfan Siopa Capitol, Stryd y Frenhines, Caerdydd, CF10 2HQ

 


Mae Siôn Marshall-Waters yn grëwr ffilmiau dogfennol ac yn ffotograffydd sydd yn byw yn ne Cymru. Graddiodd yn ddiweddar o Ganolfan Granada ar gyfer Anthropoleg Gweledol ym Mhrifysgol Manceinion, ac mae ei brosiectau yn archwilio perthynas pobl a lleoliad; sut y mae canfyddiadau o le yn cael eu creu, eu profi ac yn rhoi siâp i ymdeimlad person o’i hunaniaeth. https://sionmarshallwaters.com/ 

Ar hyn o bryd mae Siôn yn cael ei fentora gan yr artist llunio ffilm Andrew Kötting.  http://www.andrewkotting.com/  

Cefnogir y prosiect hwn gan Gyngor Celfyddydau Cymru  http://www.arts.wales/

Lladron Eto - Brasluniau o’r Mynyddoedd Duon yn brosiect ymchwil a datblygiad sydd ar y gweill gan y gwneuthurwr ffilmiau...

Darllen rhagor

Beth sydd ymlaen

Mon 25

Gwneud Basgedi gyda Mary Zammit

Mawrth 25 @ 10:00 am - 2:30 pm
Tue 26

Life Writing with Renée Stanton

Mawrth 26 @ 2:00 pm - 4:00 pm
Fri 29

Crochenwaith gyda Martin Craddock

Mawrth 29 @ 2:00 pm - 5:00 pm